കൊച്ചി: ഓപ്പറേഷൻ തൂഫാന്റെ ഭാഗമായി നടന്ന പരിശോധനയിൽ ആറ് കിലോ കഞ്ചാവുമായി ഇതര സംസ്ഥാന തൊഴിലാളി പോലീസ് പിടിയിലായി. പശ്ചിമബംഗാൾ മൂർഷിദാബാദ് സ്വദേശി സേഖ് സിദ്ദിഖ്(66)നെയാണ് മൂവാറ്റുപുഴ ഡിവൈഎസ്പി മനോജിന്റെ നേതൃത്വത്തിലുള്ള അന്വേഷണ സംഘം അറസ്റ്റ് ചെയ്തത്. മുവാറ്റുപുഴ വാഴപ്പിള്ളിയിൽ മിൽമയ്ക്കടുത്തുള്ള വെയിറ്റിംഗ് ഷെഡിൽ വിൽപനക്കായി കഞ്ചാവ് കൈവശം സൂക്ഷിച്ചിരിക്കുകയായിരുന്നു കഴിഞ്ഞ കുറച്ച് ദിവസങ്ങളായി ഇയാൾ തൂഫാൻ സ്ക്വാഡംഗങ്ങളുടെ നിരീക്ഷണത്തിലായിരുന്നു.
അന്വേഷണ സംഘത്തിൽ എസ്ഐമാരായ പി.എം. റാസിഖ് ,സി.ആർ. രഞ്ജുമോൾ, ഷിബു മാത്യു എഎസ്ഐമാരായ സി.കെ. മീരാൻ , പി.എസ്. സലിം, കെ.എം. അനീഷ് തുടങ്ങിയവരാണ് പ്രതിയെ പിടികൂടിയത്.
