കോട്ടയം : ഏറ്റുമാനൂരിൽ മീനച്ചിലാറ്റിൽ ചാടി അമ്മയും രണ്ടു മക്കളും മരിച്ചു. ഹൈക്കോടതിയിലെ അഭിഭാഷകയും അയർക്കുന്നം സ്വദേശിനിയുമായ ജിസ്മോൾ തോമസ് (34), മക്കളായ നോഹ (5), നോറ (2) എന്നിവരാണ് മരിച്ചത്.നേരത്തെ മുത്തോലി പഞ്ചായത്ത് വൈസ് പ്രസിഡൻ്റായും ജിസ്മോൾ പ്രവർത്തിച്ചിട്ടുണ്ട്.
ഏറ്റുമാനൂർ പുളിക്കുന്ന് കടവിൽ ഇന്ന് ഉച്ചയ്ക്ക് ശേഷം ആയിരുന്നു സംഭവം. ആറ്റിൽ ഒഴുകിയെത്തുന്ന നിലയിൽ ആദ്യം കുട്ടികളെയും പിന്നീട് അമ്മയെയും നാട്ടുകാർ കാണുകയും മൂവരെയും ആശുപത്രിയിൽ എത്തിക്കുകയുമായിരുന്നു. സ്കൂട്ടറിലാണ് ഇവർ പുഴയുടെ കരക്കെത്തിയത്. സംഭവത്തിൽ പൊലീസ് അന്വേഷണം തുടങ്ങി.
