തിരുവനന്തപുരം: വടക്കുപടിഞ്ഞാറന് ബംഗാള് ഉള്ക്കടലിലും അതിനോട് ചേര്ന്നുള്ള പശ്ചിമ ബംഗാള് – വടക്കന് ഒഡീഷ തീരങ്ങള്ക്കും മുകളിലായി പുതിയൊരു ന്യൂനമര്ദ്ദം രൂപപ്പെട്ടു. അടുത്ത രണ്ടു ദിവസത്തിനുള്ളില് ഇത് കൂടുതല് ശക്തി പ്രാപിക്കാന് സാധ്യത. തെക്കുപടിഞ്ഞാറന് രാജസ്ഥാനും സമീപപ്രദേശങ്ങള്ക്കും മുകളിലായി രൂപപ്പെട്ട ന്യൂനമര്ദ്ദം അതേ മേഖലയില് തന്നെ തുടരുന്നു. ഇതിന്റെയെല്ലാം സ്വാധീനഫലമായി സംസ്ഥാനത്ത് ഈ മാസം 29 വരെ മഴയ്ക്ക് സാധ്യതയുണ്ട്.
നാളെ മുതല് ബുധനാഴ്ച വരെയുള്ള ദിവസങ്ങളില് മഴ കൂടുതല് ശക്തമാകുമെന്നും കാലാവസ്ഥ വകുപ്പ് അറിയിച്ചു. എറണാകുളം മുതല് വടക്കോട്ടുള്ള ആറു ജില്ലകളില് മഴ ശക്തമാകുമെന്നാണ് അറിയിപ്പ്. എറണാകുളം, തൃശൂര്, മലപ്പുറം, കോഴിക്കോട്, കണ്ണൂര്, കാസര്കോട് ജില്ലകളില് നാളെ യെല്ലോ അലര്ട്ടുണ്ട്.
