ചങ്ങനാശേരി: പ്രശസ്ത സംഗീതജ്ഞനും സംഗീത സംവിധായകനുള്ള ദേശീയ, സംസ്ഥാന അവാർഡ് ജേതാവും നടനുമായ എൽപിആർ വർമ്മയുടെ 23-ാം ചരമ വാർഷിക ആചരണം ചങ്ങനാശേരി അതിരൂപത മാർത്തോമ വിദ്യാനികേതൻ- സാംസ്കാരിക വേദിയുടെ നേതൃത്വത്തിൽ ചങ്ങനാശേരി മാർത്തോമ വിദ്യാനികേതൻ ഓഡിറ്റോറിയത്തിൽ നടത്തി.ഫാ. ഡോ. തോമസ് കറുകകളം അദ്ധ്യക്ഷത വഹിച്ചു. വിനു ജോബ് എം എൽ എ ഉത്ഘാടനം ചെയ്തു.
ചങ്ങനാശേരി ബോട്ടുജെട്ടിയിൽ ആരംഭിക്കുന്ന സാംസ്കാരിക കേന്ദ്രത്തിന് എൽപിആർ വർമ്മയുടെ പേര് നൽകുന്നതിന് മുൻകൈയെടുക്കുമെന്ന് വിനു ജോബ് എം എൽ എ പറഞ്ഞു. ചങ്ങനാശേരി കെ എസ്ആർടിസി ബസ് സ്റ്റാൻഡ് ഡിസംബറിൽ ഉത്ഘാടനം ചെയ്യുമെന്ന് എം എൽ എ അറിയിച്ചു
പ്രൊഫ. ജെയിംസ് മണിമല മുഖ്യപ്രഭാഷണം നടത്തി. തോമസുകുട്ടി മണക്കുന്നേൽ, സിബി മുക്കാടൻ,ടോമിച്ചൻ അയ്യരു കുളങ്ങര, കെ.പി മാത്യൂ, ബേബിച്ചൻ പുത്തൻപറമ്പിൽ, ഓസേപ്പച്ചൻ ചെറുകാട്,മേരിക്കുട്ടി പാറക്കടവിൽ, ജെയിംസ് ഇലവുങ്കൽ,കാതറിൻ കുര്യാക്കോസ്, റോസമ്മ കാടാശേരി,എന്നിവർ പ്രസംഗിച്ചു.
