തിരുവല്ല : മലയാള കാവ്യസാഹിതി പത്തനംതിട്ട ജില്ലാ സമിതിയുടെ യോഗം തിരുവല്ല മതിൽഭാഗത്തുള്ള എഴുത്തും വായനയും ബുക്സ്റ്റാൾ ഹാളിൽ നടന്നു. ജില്ലാ സമിതി അധ്യക്ഷൻ വർഗീസ് പാറടയിൽ അധ്യക്ഷത വഹിച്ചു.
സാഹിത്യവിഷയങ്ങളെപ്പറ്റി അംഗങ്ങൾ ചർച്ച ചെയ്തു. പുതുകവിതകളായിരുന്നു ചർച്ചാവിഷയം. തുടർന്നു നടന്ന കവിയരങ്ങിൽ അംഗങ്ങൾ സ്വന്തം കവിതകൾ അവതരിപ്പിച്ചു.
കഥകളിയിലെയും നാടകത്തിലെയും ഓർമകൾ അംഗങ്ങൾ പങ്കുവച്ചു. ചലച്ചിത്രാനുഭവങ്ങളും ചർച്ച ചെയ്തു.
സെക്രട്ടറി മോഹനകുമാർ കണിയാന്തറ, വൈസ് പ്രസിഡൻ്റ് ജയൻ തനിമ, തിരുവല്ല രാജഗോപാൽ, അടൂർ ശശിധരൻ, ഗോപാലകൃഷ്ണൻ ഉണ്ണിത്താൻ എന്നിവർ യോഗത്തിൽ പങ്കെടുത്തു. അടുത്ത യോഗം ഒക്ടോബർ – നവംബർ മാസത്തിൽ നടത്തുമെന്ന് സംഘാടകർ അറിയിച്ചു
