തിരുവല്ല: സ്നേഹത്തിൽ ഏവരെയും ചേർത്തു നിർത്തിയ വിശ്വപൗരൻ ആയിരുന്നു ഡോ. ഫിലിപ്പോസ് മാർ ക്രിസോസ്റ്റംവലിയ മെത്രാപ്പോലീത്തയെന്നും സാധാരണ ജനങ്ങളുടെ വേദനകളെ സ്വയം സ്വീകരിച്ചു അതിൻ്റെ പരിഹാരത്തിനു വേണ്ടി അവസാനം വരെ ജീവിച്ച ഇടയൻ ആയിരുന്നു എന്നും മനുഷ്യത്വത്തിന്റെ മഹത്വം നിലനിർത്തി മാനവികതയ്ക്ക് വേണ്ടി നിലകൊണ്ട വലിയ മെത്രാപ്പോലീത്ത എക്കാലത്തും സ്മരിക്കപ്പെടുമെന്നും കുറിയാക്കോസ് മാർ ക്ലീമിസ് വലിയ മെത്രാപ്പോലീത്ത പറഞ്ഞു
പത്മഭൂഷൻ ഡോ. ഫിലിപ്പോസ് മാർ ക്രിസോസ്റ്റം വലിയ മെത്രാപ്പൊലീത്ത തിരുമേനിയുടെ മൂന്നാമത് ധന്യ സ്മൃതിയും പ്രഭാഷണവും കേരള കൗൺസിൽ ഓഫ് ചർച്ചസിൻ്റെ അഭിമുഖ്യത്തിൽ തിരുമൂലപുരം ബഥനി മാർത്തോമ്മ പള്ളിയിൽ ഉദ്ഘാടനം നിർവ്വഹിക്കുകയായിരുന്നു അദ്ദേഹം . കെ സി സി പ്രസിഡന്റ് അലക്സിയോസ് മാർ യൗസേബിയോസ് മെത്രാപ്പോലീത്ത അധ്യക്ഷത വഹിച്ചു.
മാർ ക്രിസോസ്റ്റത്തിൻ്റെ ദർശനത്തിൻ്റെ കാലിക പ്രസക്തി എന്ന വിഷയത്തിൻ ഡോ. ഗീവറുഗീസ് മാർ കൂറിലോസ് പ്രഭാഷണം നടത്തി. മാത്യൂസ് മാർ സെറാഫിം , ജനറൽ സെക്രട്ടറി ഡോ. പ്രകാശ് പി.തോമസ്, കൺവീനർ ലിനോജ് ചാക്കോ, വികാരി റവ.ബിനു വർഗീസ്, കെ സി സി സംസ്ഥാന സമിതി അംഗങ്ങളായ ജോജി പി. തോമസ്, അനീഷ് കുന്നപ്പുഴ, രാജൻ ജോക്കബ്, ജോയി ജോൺ തുരിത്തിക്കര, ഫാ. കുരുവിള മാത്യു, റവ. ജോൺ മാത്യു, ആനി ചെറിയാൻ, ബെൻസി തോമസ്, ബാബു ജോർജ്, മുനിസിപ്പൽ കൗൺസിലർ ഫിലിപ്പ് ജോർജ് എന്നിവർ പ്രസംഗിച്ചു
