കേരളത്തില്‍ കാലവര്‍ഷമെത്തി : മഴയിൽ പരക്കെ നാശനഷ്ടം

തിരുവനന്തപുരം : കേരളത്തില്‍ കാലവര്‍ഷമെത്തിയതായി കേന്ദ്രകാലാവസ്ഥാ നിരീക്ഷണ വകുപ്പ്. സാധാരണയായി ജൂണ്‍ ഒന്നാം തീയതിയോടെയാണ് സംസ്ഥാനത്ത് കാലവര്‍ഷമെത്താറ്. എട്ടുദിവസം മുന്‍പേ എത്തിയ കാലവര്‍ഷത്തിൽ പരക്കെ നാശനഷ്ടം. കണ്ണൂർ, കാസർകോട് ജില്ലകളിൽ ഇന്ന് റെഡ് അലർട്ടാണ്. നാളെ മലപ്പുറം, കോഴിക്കോട്, വയനാട്, കണ്ണൂര്‍, കാസര്‍കോട് ജില്ലകളിൽ റെഡ് അലർട്ടുണ്ട് .രാത്രി യാത്രകള്‍ കഴിയുന്നതും ഒഴിവാക്കണമെന്നും ദുരന്ത പ്രദേശങ്ങളില്‍ താമസിക്കുന്ന ജനങ്ങള്‍ മഴ ശക്തമാകുന്ന സാഹചര്യത്തില്‍ ബന്ധുവീടുകളിലേക്കോ ക്യാമ്പുകളിലേക്കോ മാറണമെന്നും റവന്യൂ മന്ത്രി കെ.രാജന്‍ അഭ്യര്‍ഥിച്ചു.