ന്യൂഡൽഹി : നിയമസഭ തിരഞ്ഞെടുപ്പു നടക്കുന്ന ഇടങ്ങളിൽ പരസ്യപ്രചാരണം അവസാനിച്ചശേഷമുളള 48 മണിക്കുറിൽ ടി.വി, റേഡിയോ, കേബിൾ നെറ്റ് വർക്ക് വഴി പ്രചാരണങ്ങൾ പാടില്ലെന്ന് കേന്ദ്ര തെരഞ്ഞെടുപ്പ് കമ്മീഷൻ.
ഏപ്രിൽ 29-ന് പശ്ചിമബംഗാളിൽ അവസാനഘട്ട വോട്ടെടുപ്പ് പൂർത്തിയായ ശേഷമേ കേരളമുൾപ്പെടെ എല്ലായിടത്തെയും എക്സിറ്റ്പോളുകൾ പുറത്ത് വിടാൻ പാടുളളൂവെന്നും കമ്മീഷൻ ഉത്തരവിട്ടു. ഇലക്ട്രോണിക്, അച്ചടി മാധ്യമങ്ങൾക്ക് ഉത്തരവ് ബാധകമാണ്. കേരളത്തിൽ പരസ്യപ്രചാരണം അവസാനിക്കുന്നത് ഏഴിന് വൈകിട്ട് ആറുമണിക്കാണ്.
