പാലക്കാട് : മേനോൻപാറയിൽ രണ്ട് കുട്ടികളെ കുളിമുറിയിലെ ടാങ്കിൽ മുക്കികൊലപ്പെടുത്തിയ കേസിലെ പ്രതിയായ അമ്മയുടെ മൊഴി പുറത്ത്. കുളിമുറിയിലെ സിമന്റ് ടാങ്കിനരികിൽ കളിക്കുകയായിരുന്ന മകൾ ജെനിഫർ ജൂലിയറ്റിന്റെ തലയിൽ ബലമായി പിടിച്ചു വെള്ളത്തിൽ മുക്കി .പിന്നീട് സമീപത്തു കളിച്ചുകൊണ്ടിരുന്ന മകൻ റോബിൻ ക്രിസ്റ്റിഫറിനെ വെള്ളത്തിലേക്ക് എടുത്തിട്ടു മുതുകിൽ പിടിച്ചു താഴ്ത്തി കൊലപ്പെടുത്തുകയായിരുന്നു എന്നാണ് അമ്മ നിവേദ്യയുടെ മൊഴി
സ്വതന്ത്രമായ ജീവിതത്തിനും മോഡലിങ് പഠിക്കണമെന്ന ആഗ്രഹത്തിനും കുട്ടികൾ തടസ്സമായതിനാൽ കൊന്നതാണെന്നാണ് പ്രതിയുടെ മൊഴി.എന്നാല്‍, കൊലപാതക കാരണം വിശ്വാസയോഗ്യമല്ലെന്നാണ് പൊലീസ് പറയുന്നത് .പഴണിയാർപാളയം സ്വദേശിയായ ജോൺ കുമാറും എറണാകുളം സ്വദേശിനിയായ നിവേദ്യയും പ്രണയിച്ചു വിവാഹം കഴിച്ചവരാണ്.2 മാസം മുൻപാണ് മേനോൻപാറ കൂരാങ്കാട്ടിലെ വാടകവീട്ടിൽ ഇവർ താമസത്തിനെത്തിയത്.
