പരുമല: ആത്മത്യാഗിയായ പരുമല തിരുമേനി ആത്മവിശുദ്ധിയുടെ പ്രകാശഗോപുരമായിരുന്നു എന്ന് ഇടുക്കി ഭദ്രാസനാധിപന്‍ സഖറിയാ മാര്‍ സേവേറിയോസ് മെത്രാപ്പോലീത്താ പറഞ്ഞു. ഗ്രിഗോറിയന്‍ പ്രഭാഷണ പരമ്പര പരുമല അഴിപ്പുരയില്‍ ഉദ്ഘാടനം ചെയ്യുകയായിരുന്നു അദ്ദേഹം. കോട്ടയം വൈദിക സെമിനാരി പ്രിന്‍സിപ്പല്‍ ഫാ.ഡോ. ജോണ്‍ തോമസ് കരിങ്ങാട്ടില്‍ അദ്ധ്യക്ഷത വഹിച്ചു.
ആത്മീയതയാല്‍ തലമുറകളെ പ്രചോദിപ്പിച്ച വിശുദ്ധനായിരുന്നു പരുമല തിരുമേനിയെന്ന് അഡ്വ. മാത്യു കുഴല്‍നാടന്‍ എം.എല്‍.എ. ഗ്രിഗോറിയന്‍ പ്രഭാഷണ പരമ്പരയില്‍ മുഖ്യ പ്രഭാഷണത്തില്‍ പറഞ്ഞു. അസോസിയേഷന്‍ സെക്രട്ടറി അഡ്വ.ബിജു ഉമ്മന്‍, പരുമല സെമിനാരി മാനേജര്‍ യാക്കോബ് തോമസ് റമ്പാന്‍, ഫാ.ജെ.മാത്യുക്കുട്ടി, മത്തായി ടി. വര്‍ഗീസ് എന്നിവര്‍ പ്രസംഗിച്ചു.
