പ്രധാനമന്ത്രി നരേന്ദ്രമോദി തായ്‌ലൻഡിൽ

ബാങ്കോക്ക് : ആറാമത് ബിംസ്റ്റെക്ക് ഉച്ചകോടിയിൽ പങ്കെടുക്കുന്നതിനായി പ്രധാനമന്ത്രി നരേന്ദ്രമോദി തായ്‌ലൻഡിൽ എത്തി.ബാങ്കോക്കിലെത്തിയ പ്രധാനമന്ത്രിക്ക് തായലൻഡ് ഭരണകൂടം ഊഷ്മള സ്വീകരണം നൽകി .ദ്വിദിന സന്ദർശനത്തിനാണ് പ്രധാനമന്ത്രി തായലൻഡിൽ എത്തിയിരിക്കുന്നത്.തായ് പ്രധാനമന്ത്രിയുമായി ചർച്ച നടത്തുന്നതിനു പുറമേ, നേപ്പാൾ പ്രധാനമന്ത്രി കെ പി ശർമ്മ ഒലി, ബംഗ്ലാദേശ് മുഖ്യ ഉപദേഷ്ടാവ് മുഹമ്മദ് യൂനുസ്, മ്യാൻമർ സൈനിക ഭരണകൂട നേതാവ് മിൻ ഓങ് ഹ്ലെയിംഗ് എന്നിവരുമായി മോദി നേരിട്ട് കൂടിക്കാഴ്ച നടത്തും .തായലൻഡ് സന്ദർശനത്തിന് ശേഷം അദ്ദേഹം ശ്രീലങ്കയിലേക്ക് പോകും.