തിരുവനന്തപുരം : സംസ്ഥാനത്ത് നാളെ സ്വകാര്യ ബസ് സമരം.ഗതാഗത വകുപ്പുമായി ബസ്സുടമകളുടെ സംയുക്ത സമിതി നടത്തിയ ചർച്ച പരാജയപ്പെട്ടതിനെത്തുടർന്ന് സമരവുമായി മുൻപോട്ടു പോകുവാൻ തീരുമാനിക്കുകയായിരുന്നു .നാളെ സൂചന പണിമുടക്ക് നടത്തുമെന്നും ആവശ്യങ്ങളിൽ തീരുമാനമുണ്ടായില്ലെങ്കിൽ 22 മുതൽ അനിശ്ചിതകാലത്തേക്ക് സർവീസ് നിർത്തി വയ്ക്കുമെന്നുമാണ് സംയുക്ത സമിതിയുടെ തീരുമാനം .
പെര്മിറ്റുകള് യഥാസമയം പുതുക്കിനല്കുക, വിദ്യാര്ഥികളുടെ യാത്രാനിരക്ക് വര്ധിപ്പിക്കുക, ബസ്സ് ഉടമകളിൽനിന്നും അമിതമായ പിഴ ഈടാക്കുന്ന നടപടി അവസാനിപ്പിക്കുക ,വിലപിടിപ്പുള്ള ഇലക്ട്രോണിക് ഉപകരണങ്ങള് അടിച്ചേല്പ്പിക്കുന്നത് പിന്വലിക്കുക,ബസ് ജീവനക്കാർക്ക് പൊലീസ് ക്ലിയറൻസ് സർട്ടിഫിക്കറ്റ് നൽകണമെന്ന വ്യവസ്ഥ ഒഴിവാക്കുക തുടങ്ങിയ ആവശ്യങ്ങളുന്നയിച്ചാണ് സമരം.
