ഇന്ത്യൻ സിം കാർഡുകൾ പാക് ഇന്റലിജൻസ് ഉ​ദ്യോ​ഗസ്ഥർക്ക് നൽകി : രാജസ്ഥാൻ സ്വദേശി പിടിയിൽ

ജയ്‌പൂർ : ഇന്ത്യൻ സിം കാർഡുകൾ പാക് ഇന്റലിജൻസ് ഉ​ദ്യോ​ഗസ്ഥർക്ക് നൽകി ചാരപ്രവർത്തനം നടത്തിയ രാജസ്ഥാൻ സ്വദേശി പിടിയിൽ .34 വയസ്സുകാരനായ കാസിമിനെയാണ് ഡൽഹി പൊലീസ് അറസ്റ്റ് ചെയ്തത്.കഴിഞ്ഞ വർഷം ഓഗസ്റ്റിലും ഈ വർഷം മാർച്ചിലും കാസിം പാകിസ്താൻ സന്ദർശിച്ചിട്ടുണ്ടെന്ന് അന്വേഷണത്തിൽ കണ്ടെത്തി. ഈ സമയത്ത് ഇന്റലിജൻസ് ഉദ്യോ​ഗസ്ഥരുമായി ഇയാൾ കൂടിക്കാഴ്ച നടത്തിയതായി സംശയിക്കുന്നുവെന്ന് അന്വേഷണ ഉദ്യോഗസ്ഥൻ പറഞ്ഞു. ഇന്ത്യൻ സൈന്യത്തെക്കുറിച്ച് വിവരങ്ങൾ ശേഖരിക്കുന്നതിന് പാകിസ്ഥാൻ ഇന്ത്യൻ മൊബൈൽ നമ്പറുകൾ ദുരുപയോഗം ചെയ്യുന്നുണ്ടെന്നു കണ്ടെത്തിയിരുന്നു.