Wednesday, November 18, 2026
No menu items!

subscribe-youtube-channel

HomeNewsകരാർ കാലാവധി...

കരാർ കാലാവധി നീട്ടി നൽകണമെന്ന ആവശ്യം : കെ ആർ എഫ് ബി  എൻജിനീയറെ വിമർശിച്ച് മന്ത്രി

പത്തനംതിട്ട: അബാൻ മേൽപാല നിർമാണവുമായി ബന്ധപ്പെട്ട് കരാറുകാരനു കാലാവധി നീട്ടി നൽകണമെന്ന ആവശ്യം ഉന്നയിച്ച കേരള റോഡ് ഫണ്ട് ബോർഡ് എൻജിനീയറെ വിമർശിച്ച് മന്ത്രി പി.കെ.ബഷീർ. താങ്കൾ സർക്കാരിന്റെ ഉദ്യോഗസ്ഥനോ അതോ കരാറുകാരന്റേതോ എന്നായിരുന്നു മന്ത്രിയുടെ ചോദ്യം. അബാൻ മേൽപാലം, കോഴഞ്ചേരി പാലം, പത്തനംതിട്ട റിങ് റോസ് നിർമാണ പ്രവർത്തനങ്ങൾ ത്വരിതഗതിയിലാക്കുന്നതുമായി ബന്ധപ്പെട്ട് അബിൻ വർക്കി എംഎൽഎയുടെ ആവശ്യപ്രകാരം മന്ത്രിയുടെ ചേംബറിൽ നടന്ന യോഗത്തിനിടെയായിരുന്നു വിമർശനം.

അബാൻ മേൽപാലവുമായി ബന്ധപ്പെട്ട് നിലവിലെ പ്രശ്നങ്ങൾ പരിഹരിക്കുന്നതിനും നിർമാണ പ്രവർത്തനങ്ങൾ വേഗത്തിലാക്കുന്നതിനും കലക്ടർ, ജനപ്രതിനിധികൾ കേരള റോഡ് ഫണ്ട് ബോർഡ് ഉദ്യോഗസ്ഥർ, കരാറുകാരൻ ഉൾപ്പെടെയുള്ളവരുടെ യോഗം 6നു മന്ത്രിയുടെ ചേംബറിൽ വീണ്ടും ചേരുമെന്ന് എംഎൽഎ അറിയിച്ചു.

കോഴഞ്ചേരി പാലത്തിന്റെ അവശേഷിക്കുന്ന നിർമാണ പ്രവർത്തനങ്ങൾ വേഗത്തിൽ പൂർത്തിയാക്കി ഈ മാസം അവസാനത്തോടെ ഉദ്ഘാടനം നിർവഹിക്കും. പത്തനംതിട്ട റിങ് റോഡുമായി ബന്ധപ്പെട്ട സൗന്ദര്യവൽക്കരണ പ്രവർത്തനങ്ങൾ 15 ദിവസത്തിനുള്ളിൽ പൂർത്തിയാക്കാനും, അംമ്പലക്കടവ്- ഇലവുംതിട്ട – തെക്കേമല റോഡിന്റെ പണികൾ പൂർത്തിയാക്കുന്നതിന് കിഫ്ബിയോട് വേഗത്തിൽ തുടർനടപടി സ്വീകരിക്കാനും ആവശ്യപ്പെടും.

പരുമല കടവിൽ നിന്നാരംഭിച്ച് വള്ളിക്കോട്- ചെന്നീർക്കര പഞ്ചായത്തുകളെ തമ്മിൽ ബന്ധിപ്പിക്കുന്ന കൈപ്പട്ടൂർ പാലത്തിന്റെ നിർമാണ പ്രവർത്തനങ്ങൾ 13 വർഷമായി മുടങ്ങിക്കിടക്കുന്നതു വിദഗ്ധ സമിതിയെ നിയോഗിച്ച് പഠിച്ച് തുടർനടപടികൾ സ്വീകരിക്കാനും  യോഗത്തിൽ തീരുമാനമായി. 

- Advertisment -

RELATED ARTICLES
Advertisment

Desham News

- Advertisement -

പതിനാല് വയസുകാരിയായ വിദ്യാർത്ഥിനിയെ പീഡിപ്പിക്കാൻ ശ്രമിച്ച കടയുടമയെ പൊലീസ് അറസ്റ്റ് ചെയ്തു

മാന്നാർ : ട്യൂഷൻ കഴിഞ്ഞ് സാധനം വാങ്ങുന്നതിനായി കടയിൽ എത്തിയ പതിനാല് വയസുകാരിയായ വിദ്യാർത്ഥിനിയെ പീഡിപ്പിക്കാൻ ശ്രമിച്ച കടയുടമയെ മാന്നാർ പൊലീസ് അറസ്റ്റ് ചെയ്തു. മാന്നാർ സ്റ്റോർ ജംഗ്ഷന് സമീപം സ്റ്റേഷനറി കട...

കള്ളക്കടൽ പ്രതിഭാസം : ജാഗ്രതാ നിർദേശം പുറപ്പെടുവിച്ചു

തിരുവനന്തപുരം : കള്ളക്കടൽ പ്രതിഭാസത്തിന്റെ ഭാഗമായി കേരള തീരത്ത് ഏപ്രിൽ 16 രാത്രി 11.30 വരെ 1.1 മുതൽ 1.4 മീറ്റർ വരെ ഉയർന്ന തിരമാലകൾ കാരണം കടലാക്രമണത്തിന് സാധ്യതയുണ്ടെന്ന് ദേശീയ സമുദ്രസ്ഥിതിപഠന...
- Advertisment -

Most Popular

- Advertisement -