പത്തനംതിട്ട: റവന്യൂ ജില്ലാ സ്കൂൾ കലോത്സവം ചൊവ്വാഴ്ച മുതൽ വെള്ളിയാഴ്ചവരെ കോഴഞ്ചേരിയിലെ വിവിധ സ്കൂളുകളിൽ നടക്കും. സെയ്ന്റ് തോമസ് എച്ച്എസ്എസ്, സെയ്ന്റ് മേരീസ് ഗേൾസ് സ്കൂൾ, ഗവ.എച്ച്എസ്, എംടി എൽപിഎസ് ഇലവുംചുവട്, ഗവ.യുപിഎസ് കോഴഞ്ചേരി ഈസ്റ്റ് എന്നീ സ്കൂളുകളിലാണ് മത്സരവേദികൾ.
ചൊവ്വാഴ്ച രാവിലെ 10-ന് ഗാന്ധിഭവൻ സ്ഥാപകൻ പുനലൂർ സോമരാജൻ കലോത്സവം ഉദ്ഘാടനം ചെയ്യും. വേഗവര ചിത്രകാരൻ ജിതേഷ്ജി കലാമത്സരം ഉദ്ഘാടനം ചെയ്യും. വിദ്യാഭ്യാസ ഉപഡയറക്ടർ ബി.ആർ. അനില അധ്യക്ഷയാകും. സമാപനസമ്മേളനം വെള്ളിയാഴ്ച കളക്ടർ എസ് വൈകീട്ട് ആറിന് പ്രേംകൃഷ്ണൻ ഉദ്ഘാടനം ചെയ്യും. പത്തനംതിട്ട ഡിവൈഎസ്പി നുഅ്മാൻ സമ്മാനദാനം നിർവഹിക്കും.
കലോത്സവത്തിന് മുന്നോടിയായി പാചകപ്പുരയുടെ പാലുകാച്ചൽ കർമ്മം പത്തനംതിട്ട ജില്ല ഉപഡയറക്ടർ അനില ബി ആർ നിർവഹിച്ചു
