തിരുവല്ല : പെരിങ്ങര ജംഗ്ഷനിൽ നിന്നും കാരയ്ക്കൽ പ്രദേശവുമായി ബന്ധിപ്പിക്കുന്ന പ്രധാന റോഡായ ക്യഷ്ണപാദം റോഡിന്റെ ദുരവസ്ഥയിൽ പ്രതിഷേധിച്ച് പെരിങ്ങര ടൗൺ കോൺഗ്രസ് കമ്മിറ്റിയുടെ ആഭിമുഖ്യത്തിൽ റോഡിലെ കുഴിയിൽ വാഴ നട്ടു പ്രതിഷേധിച്ചു. റോഡിൽ രൂപപ്പെട്ട ആഴമേറിയ കുഴികളിൽ മഴവെള്ളം കെട്ടി കിടന്ന് കുഴികൾ തിരിച്ചറിയാനാവാത്ത അവസ്ഥയിലാണ്.
ഇരുചക്ര വാഹന യാത്രക്കാർ കുഴിയിൽ വീണ് പരുക്കേൽക്കുന്നത് നിരന്തര കാഴ്ചയാണ്. കഴിഞ്ഞ ദിവസം കോളേജിലേക്ക് പോയ പെൺകുട്ടി കുഴിയിൽ വീണ് സാരമായ പരുക്കേറ്റ് ചികിത്സയിലാണ്. റോഡിന്റെ ശോചനീയാവസ്ഥ പരിഹരിക്കാൻ അധികൃതർ അടിയന്തരമായി ഇടപെടണമെന്ന് കോൺഗ്രസ് ടൗൺ കമ്മിറ്റി ആവശ്യപ്പെട്ടു. ഭാസി, രാധാകൃഷ്ണൻ, ജിജി ചാക്കോ, മനു കേശവ്, മനോജ് കളരിക്കൽ, ഗോപൻ, പ്രസാദ്, ഏബ്രഹാം മന്ത്രയിൽ, റോയ്, ഷൈജു എന്നിവർ പ്രതിഷേധത്തിന് നേതൃത്വം നൽകി.
