കൊല്ലത്ത് വയോധികയെ മർദ്ദിച്ച മകൻ അറസ്റ്റിൽ

കൊല്ലം : കൊല്ലം ചവറയിൽ വയോധികയെ മർദ്ദിച്ച മകൻ അറസ്റ്റിൽ.ചവറ തോട്ടിന് വടക്ക് മണ്ണന്തറ വീട്ടിൽ ശ്യാമളയമ്മയെ മകൻ വേണു മർദ്ദിച്ച ദൃശ്യം ഹോം നഴ്‌സ് പകർത്തുകയായിരുന്നു. ചവറ കെഎംഎംഎല്ലിലെ തൊഴിലാളിയാണ് വേണു. സഹോദരങ്ങളേക്കാൾ തനിക്ക് സ്വത്ത് കുറഞ്ഞുപോയെന്നാരോപിച്ചായിരുന്നു മർദ്ദനം. ദൃശ്യങ്ങൾ പ്രചരിച്ചതോടെ പൊലീസ് കേസെടുക്കുകയും മകനെ അറസ്റ്റ് ചെയ്യുകയും ചെയ്തു.