തിരുവല്ല: വെള്ളപ്പൊക്കമൂലം അപ്പർ കുട്ടനാട്ടിലെ ഏറ്റവും കൂടുതൽ ദുരിതം വിതച്ച പെരിങ്ങരയിലെ ഭവനങ്ങൾക്ക് 20000 രൂപ നഷ്ടപരിഹാരം നൽകണമെന്ന് കേരളാ കോൺഗ്രസ് (എം) മണ്ഡലം കമ്മിറ്റി. കാർഷിക മേഖലയുടെ വളർച്ചയ്ക്ക് തോടുകൾ അടിയന്തരമായി വൃത്തിയാക്കണമെന്ന് യോഗം സർക്കാരിനോട് ആവശ്യപ്പെട്ടു.
മണ്ഡലം പ്രസിഡൻ്റ് ശാർമിള സുനിൽ അദ്ധ്യക്ഷത വഹിച്ചു. കേരളാ കോൺഗ്രസ് (എം) ഉന്നതാധികാര സമിതിയംഗം ചെറിയാൻ പോളച്ചിറയ്ക്കൽ ഉദ്ഘാടനം ചെയ്തു. ജില്ലാ വൈസ് പ്രസിഡൻ്റ് സോമൻ താമരച്ചാലിൽ, നിയോജക മണ്ഡലം പ്രസിഡൻ്റ് സാം കുളപ്പള്ളി, കേരളാ യൂത്ത് ഫ്രണ്ട് (എം) സംസ്ഥാന വൈസ് പ്രസിഡൻ്റ് ജോജി പി. തോമസ്, കേരളാ വനിത കോൺഗ്രസ് സംസ്ഥാന ജനറൽ സെക്രട്ടറി സുമ റെജി, നിയോജക മണ്ഡലം സെക്രട്ടറി ബിനിൽ ടി. തെക്കുംപ്പറമ്പിൽ, ജോസുകുട്ടി മേപ്രാൽ എന്നിവർ പ്രസംഗിച്ചു.
കേരളാ വനിത കോൺഗ്രസ് (എം) സംസ്ഥാന ജനറൽ സെക്രട്ടറിയായി തെരഞ്ഞെടുക്കപ്പെട്ട സുമാ റെജിയെ യോഗം അനുമോദിച്ചു.
