കോംഗോയിലെ പള്ളിയിൽ ഭീകരാക്രമണം : 43 പേർ കൊല്ലപ്പെട്ടു

കോംഗോ : കോംഗോയിലെ ക്രിസ്ത്യൻ പള്ളിയിൽ നടന്ന ഭീകരാക്രമണത്തിൽ 43 പേർ കൊല്ലപ്പെട്ടു. കൊമാണ്ടയിലുള്ള കത്തോലിക്കാ പള്ളിയുടെ പരിസരത്ത് ഞായറാഴ്ച്ച പുലർച്ചെ ഒരു മണിയോടെയാണ് അലൈഡ് ഡെമോക്രാറ്റിക് ഫോഴ്‌സ് എന്നപേരിലുള്ള ഇസ്ലാമിക് സ്റ്റേറ്റ് പിന്തുണയുള്ള ഭീകരർ ആക്രമണം നടത്തിയത് .ഞായറാഴ്ചയുള്ള പ്രഭാത ക‍ുർബാനയുടെ സമയത്താണ് ഭീകരസംഘം പള്ളിയിലേക്ക് ഇരച്ചുകയറിയത്. മരിച്ചവരിൽ 9 കുട്ടികളും ഉൾപ്പെടുന്നു .ആക്രമണത്തിൽ സമീപത്തുള്ള നിരവധി വീടുകളും കടകളും അഗ്നിക്കിരയായി.