തിരുവനന്തപുരം : അങ്കണവാടിയിൽ വീണ് മൂന്ന് വയസുകാരിക്ക് ഗുരുതരമായി പരിക്കേറ്റ സംഭവത്തിൽ അധ്യാപികയെയും ഹെൽപറെയും സസ്പെൻഡ് ചെയ്തു. മാറനല്ലൂർ എട്ടാം വാർഡ് അംഗണവാടി അധ്യാപിക ശുഭലക്ഷ്മിയെയും അങ്കണവാടി ഹെൽപ്പർ ലതയെയും ആണ് സസ്പെൻഡ് ചെയ്തിരിക്കുന്നത്. കുട്ടി വീണ വിവരം അങ്കണവാടി ജീവനക്കാർ മാതാപിതാക്കളെ അറിയിച്ചില്ല എന്ന പരാതിയിലാണ് ശിശുവികസന വകുപ്പിന്റെ നടപടി.
അതേസമയം എസ്എടി ആശുപത്രിയിൽ ചികിത്സയിലുളള പോങ്ങുംമൂട് സ്വദേശികളായ രതീഷ് – സിന്ധു ദമ്പതികളുടെ മകളായ വൈഗയുടെ നില ഗുരുതരമായി തുടരുകയാണ്. കുഞ്ഞിന് സ്പൈനൽ കോഡിന് പരിക്കേറ്റിട്ടുണ്ട്. തലയിൽ ആന്തരിക രക്തസ്രാവവുമുണ്ടെന്നാണ് ഡോക്ടർമാർ അറിയിച്ചത്.
