കോഴിക്കോട് : കെ റെയിൽ അടഞ്ഞ അധ്യായമാണെന്നും മഞ്ഞക്കുറ്റികള്‍ അടിച്ച സ്ഥലം എല്ലാം ഉടൻ പഴയപടിയാകുമെന്നും സിപിഐ സംസ്ഥാന സെക്രട്ടറി ബിനോയ് വിശ്വം പറഞ്ഞു. കേരളത്തിന് അതിവേഗ റെയിൽ പാത വേണം. അത് ഏതു പദ്ധതിയാണെങ്കിലും കുഴപ്പമില്ല. ഇക്കാര്യത്തിൽ കേരളത്തിന് പിടിവാശിയില്ല. കേരളത്തിലെ ഭൂലഭ്യത അനുസരിച്ചുള്ള പദ്ധതി വേണ ബിനോയ് വിശ്വം പറഞ്ഞു.
നിയമസഭാ തെരഞ്ഞെടുപ്പിനായി എൽഡിഎഫിൽ സീറ്റ് വിഭജനം തുടങ്ങിയിട്ടില്ല. സിപിഐ ഇത്തവണ കൂടുതൽ സീറ്റ് ചോദിക്കില്ല. മൂന്നാം എൽഡിഎഫ് സർക്കാർ അധികാരത്തിൽ വരും.എൽഡിഎഫിൽ നിന്ന് ആരും യുഡ‍ിഎഫിലേക്ക് പോകില്ലെന്നും കേരള കോണ്‍ഗ്രസ് എമ്മിന് യുഡിഎഫ് ഇട്ട ചൂണ്ട ഒടിയുമെന്നും യുഡിഎഫിന്‍റെ ഗതികേട് കൊണ്ടാണ് ഒരോ പാര്‍ട്ടിയെ ക്ഷണിക്കുന്നതെന്നും ബിനോയ് വിശ്വം വ്യക്തമാക്കി.
