തിരുവനന്തപുരം : വിഴിഞ്ഞത്ത് ബാറിലുണ്ടായ തർക്കത്തെത്തുടർന്ന് യുവാവിനെ നടുറോഡിൽ തല്ലിക്കൊന്നു.കോളിയൂർ സ്വദേശി സുമനാണ്(38) മരിച്ചത്. സംഭവത്തിൽ സഹോദരങ്ങളടക്കം നാല് പേർ കസ്റ്റഡിയിലായി. ബുധനാഴ്ച രാത്രി പന്ത്രണ്ടോടെയാണ് സംഭവം .അക്രമത്തിന്റെ ദൃശ്യങ്ങൾ പുറത്തുവന്നു
അച്ചു, അനന്തു, സൂര്യജിത്ത്, ലാലുകൃഷ്ണൻ എന്നിവരാണ് പിടിയിലായത്. ദേശീയപാത-66 ന് സമീപം വിഴിഞ്ഞം മുക്കോല ബാറിനകത്ത് വെച്ചായിരുന്നു വാക്ക് തർക്കമുണ്ടായത്.ബാറിൽ നിന്നും പുറത്തിറങ്ങിയ സംഘം നടുറോഡിൽ വച്ച് സുമനെ ക്രൂരമായി മർദിക്കുകയും അവശനിലയിൽ റോഡിൽ ഉപേക്ഷിച്ച് കടന്നുകളയുകയുമായിരുന്നു. തലയ്ക്ക് ഗുരുതര പരുക്കേറ്റ് അബോധാവസ്ഥയിലായ സുമനെ വിഴിഞ്ഞം പൊലീസെത്തി ആശുപത്രിയിലെത്തിച്ചെങ്കിലും രക്ഷിക്കാനായില്ല.
