പത്തനംതിട്ട:വീട്ടമ്മയെ കിടപ്പുമുറിയിൽ തൂങ്ങി മരിച്ച നിലയിൽ കണ്ടെത്തിയ സംഭവത്തിൽ ഭർത്താവിനെ പൊലീസ് അറസ്റ്റ് ചെയ്തു. റാന്നി വെച്ചൂച്ചിറ മുക്കൂട്ടുതറ കാവുങ്കൽ വീട്ടിൽ സൗമ്യ (35) ആത്മഹത്യ ചെയ്ത സംഭവത്തിൽ ആണ് ഭർത്താവ് സുനിൽ കുമാറിനെ (40) വെച്ചൂച്ചിറ പൊലീസ് അറസ്റ്റ് ചെയ്തത്.
കുടുംബ പ്രശ്നങ്ങൾ കാരണം ഇരുവരും ആത്മഹത്യ ചെയ്യാൻ തീരുമാനിക്കുകയായിരുന്നു.എന്നാൽ ഫാനിൽ കയർ കെട്ടിക്കൊടുത്ത് ആത്മഹത്യ ചെയ്യുന്നതിന് സൗമ്യയ്ക്ക് സൗകര്യം ഒരുക്കി കൊടുത്ത സുനിൽകുമാർ തൂങ്ങി മരിക്കുന്നതിൽ നിന്ന് പിന്മാറിയെന്ന് അന്വേഷണത്തിൽ തെളിഞ്ഞതിനെ തുടർന്നാണ് അറസ്റ്റ് ചെയ്തതെന്ന് പൊലീസ് പറഞ്ഞു. സംഭവത്തിൽ ദുരൂഹത ചൂണ്ടിക്കാട്ടി സൗമ്യയുടെ പിതാവ് എരുമേലി പൊലീസ് സ്റ്റേഷനിൽ പരാതി നൽകി.
