തിരുവല്ല: കാഴ്ച ചാരിറ്റബിൾ ട്രസ്റ്റിൻ്റെ ഒരു ദേശത്തിൻ്റെ കഥ എന്ന ചരിത്രപരമ്പര സെമിനാർ തിരുവല്ല ഡയറ്റ് ഹാളിൽ നഗരസഭ ചെയർപേഴ്സൺ എസ് ലേഖ ഉദ്ഘാടനം ചെയ്തു. സെമിനാറിൽ കാഴ്ചയുടെ ത്രൈമാസികയായ “ഇൻസൈറ്റ്” ഫാ.സിജോ പന്തപ്പള്ളിയലിന് പത്രപ്രവർത്തകൻ സജി ജോർജ്ജ് ടൈറ്റസ് ആദ്യ പ്രതി നൽകി പ്രകാശനം ചെയ്തു.
തുടർന്ന് നടന്ന സെമിനാറുകളിൽ തിരുവല്ലയിലെ അവകാശത്തിൻ്റെയും ആത്മാഭിമാനത്തിൻ്റെയും ദളിത് ജീവതവും എന്ന വിഷയത്തിൽ ഡോ. വിനിൽപോളും, പൊയ്കയിൽ അപ്പച്ചൻ്റെ ജീവിതം എന്ന വിഷയത്തിൽ സൊസൈറ്റി ഓഫ് പി.ആർ.ഡി.എസ് സ്റ്റഡീസ് പ്രസിഡൻ്റ് വി.വി സ്വാമിയും, ” ചെങ്ങന്നൂരാതി – പറച്ചിലും പാട്ടും” എന്ന വിഷയത്തിൽ ഡോ. എ.കെ.അപ്പുക്കുട്ടനും സംസാരിച്ചു.
കാഴ്ച ചാരിറ്റബിൾ ട്രസ്റ്റ് ചെയർമാൻ ബ്ലസി, സാജൻ കെ. വർഗീസ്, അഡ്വ.എൻ രാംദാസ്, പ്രൊഫ.ബി.രവികുമാർ, ആദർശ് ചിറ്റാർ തുടങ്ങിയവർ പ്രസംഗിച്ചു.
