തൃശ്ശൂരിൽ ജീവനൊടുക്കാൻ ശ്രമിച്ച വൃദ്ധ സഹോദരിമാരിൽ മൂന്നാമത്തെയാളും മരിച്ചു

തൃശ്ശൂർ : തൃശ്ശൂർ മുള്ളൂർക്കരയിൽ ജീവനൊടുക്കാൻ ശ്രമിച്ച വൃദ്ധ സഹോദരിമാരിൽ മൂന്നാമത്തെയാളും മരിച്ചു.തൃശൂർ മെഡിക്കൽ കോളേജിൽ ചികിത്സയിലായിരുന്ന ജാനകിയാണ് ഇന്ന് പുലർച്ചെ മരിച്ചത്.വെള്ളിയാഴ്ചയാണ് മൂന്ന് സഹോദരിമാരെയും വീടിനുള്ളിൽ വിഷം കഴിച്ച് അവശനിലയിൽ കണ്ടെത്തിയത്. ഇളയ സഹോദരി സരോജിനി വെള്ളിയാഴ്ച തന്നെയും മൂത്ത സഹോദരി ദേവകി ശനിയാഴ്ചയും മരണപ്പെട്ടിരുന്നു.വാർധക്യസഹജമായ അവശതകളും ഒറ്റപ്പെടലുമായിരുന്നു ഇവരെ ആത്മഹത്യയിലേക്ക് നയിച്ചതെന്നാണ് നിഗമനം.