കൊച്ചി : സ്പായിൽ ജോലി വാഗ്ദാനം ചെയ്ത് യുവതിയെ ലോഡ്ജിലെത്തിച്ച് ബലാത്സംഗം ചെയ്തു. കേസിൽ പ്രതികളായ 2 പേരെ പൊലീസ് അറസ്റ്റ് ചെയ്തു. ആലപ്പുഴ കാർത്തികപ്പിള്ളി ഇരിക്കാവ് എസ്.ആർ. നിവാസിൽ ശ്രീരാജ് , കളമശ്ശേരി തേവയ്ക്കൽ കുതിരപ്പറമ്പിൽ ജിത്ത് മാർട്ടിൻ എന്നിവരെയാണ് കളമശ്ശേരി പോലീസ് അറസ്റ്റ് ചെയ്‌തത്.
വെള്ളിയാഴ്ച യുവതിയെ സ്വകാര്യ ലോഡ്ജിൽ എത്തിച്ച് മദ്യവും ലഹരി മരുന്നും നൽകി മയക്കിയ ശേഷം ബലാത്സംഗത്തിനും ലൈംഗികാതിക്രമത്തിനും ഇരയാക്കിയെന്നാണ് കേസ് .ശ്രീരാജ് ഇടപ്പള്ളിയിൽ സ്പാ നടത്തുന്നുണ്ട്. ഇവിടെ ജോലി നൽകാമെന്നു പറഞ്ഞാണ് യുവതിയെ എത്തിച്ചത്. സ്പാകൾ കേന്ദ്രീകരിച്ച് ആവശ്യക്കാർക്ക് യുവതികളെ എത്തിച്ചുനൽകുന്ന സംഘത്തിലെ കണ്ണികളാണ് പ്രതികളെന്ന് പോലീസ് പറഞ്ഞു.
