പത്തനംതിട്ട : പത്തനംതിട്ട ലോക്സഭാ മണ്ഡലത്തിൽ കള്ളവോട്ട് നടന്നെന്ന പരാതിയിൽ 3 പേർക്ക് സസ്പെൻഷൻ. 2 പോളിങ് ഓഫിസർമാരെയും ഒരു ബൂത്ത് ലെവൽ ഓഫീസറെയുമാണ് സസ്പെൻഡ് ചെയ്തത്. ആറന്മുള പഞ്ചായത്തിലെ മെഴുവേലി കാരിത്തോട്ട സ്വദേശിനി അന്നമ്മയുടെ പേരിൽ മരുമകൾ അന്നമ്മ വോട്ട് രേഖപ്പെടുത്തി എന്ന പരാതിയിലാണ് നടപടി. ദീപ, കല എം.തോമസ് എന്നീ പോളിങ് ഓഫിസർമാരെയും ബി എൽ ഒ അമ്പിളിയെയുമാണ് സസ്പെൻഡ് ചെയ്തത്. രേഖപ്പെടുത്തിയ വോട്ട് അസാധുവായി പരിഗണിക്കും.
കളളവോട്ട് ചെയ്യാൻ പഞ്ചായത്ത് അംഗവും ബി എൽ ഒ യും കൂട്ടുനിന്നെന്നും ആക്ഷേപം ഉയർന്നിരുന്നു. കളളവോട്ട് നടന്നുവെന്ന് കാട്ടി എൽഡിഎഫ് ആണ് വരണാധികാരി കൂടിയായ ജില്ലാ കലക്ടർക്ക് പരാതി നൽകിയത്.
സംഭവത്തിൽ ഉദ്യോഗസ്ഥർക്ക് പിഴവ് സംഭവിച്ചുവെന്ന് തിരഞ്ഞെടുപ്പ് കമ്മീഷനും കണ്ടെത്തിയതിനെ തുടർന്നാണ് നടപടി
