തിരുവനന്തപുരം : മേയ് 20 ന് ഐ എൻ ടി യു സി ഉൾപ്പടെയുള്ള തൊഴിലാളി സംഘടനകൾ രാജ്യവ്യാപകമായി നടത്തുന്ന ദേശീയ പണിമുടക്കിന് യുഡിഎഫ് സംസ്ഥാന കമ്മിറ്റി ഐക്യദാർഢ്യം പ്രഖ്യാപിക്കുകയാണന്നും പണിമുടക്കു ദിവസം യുഡിഎഫ് കരിദിനമായി ആചരിക്കുമെന്നും യുഡിഎഫ് കൺവീനർ എം.എം ഹസ്സൻ അറിയിച്ചു.
ഐഎൻടിയുസിയുടെ 78-ാമത് സ്ഥാപക ദിനാഘോഷ പരിപാടികളുടെ ജില്ലാ തല ഉദ്ഘാടനം തലസ്ഥാനത്ത് കനകക്കുനന്നിൽ സംഘടനയുടെ കേരളത്തിലെ സ്ഥാപക നേതാവ് ലീഡർ കെ. കരുണാകരൻ സ്ക്വയറിൽ സ്ഥാപകദിന ജ്വാല തെളിയിച്ച് നിർവ്വഹിക്കുകയായിരുന്നു അദ്ദേഹം. ഐഎൻടിയുസി ദേശീയ സെക്രട്ടറിയും ജില്ലാ പ്രസിഡണ്ടുമായ വി.ആർ. പ്രതാപൻ അദ്ധ്യക്ഷത വഹിച്ചു.
