വയനാട്ടിൽ യുവതിയെ വെട്ടിക്കൊലപ്പെടുത്തി : മൂത്ത മകൾക്ക് പരിക്ക്

വയനാട് : വയനാട്ടിൽ യുവതിയെ ആൺസുഹൃത്ത് വെട്ടിക്കൊലപ്പെടുത്തി. തിരുനെല്ലി ചേകാടി വാകേരിയിൽ വാടകയ്ക്കുതാമസിക്കുന്ന എടയൂർകുന്ന് സ്വദേശി പ്രവീണ(34)യാണ് മരിച്ചത്. കൊലപാതകത്തിനു ശേഷം ഒപ്പം താമസിച്ചിരുന്ന ദിലീഷ് സംഭവസ്ഥലത്തു നിന്നു രക്ഷപ്പെട്ടു. ആക്രമണത്തിൽ പ്രവീണയുടെ പതിനാലു വയസ്സുള്ള മൂത്ത മകൾക്ക് പരിക്കേറ്റു. ഒൻപതു വയസ്സുള്ള ഇളയ പെൺകുട്ടിയെ കാണാനില്ല. കുട്ടിക്കായി പ്രദേശത്ത് തിരച്ചിൽ‌ നടത്തുകയാണ്. ചെവിക്കും കഴുത്തിനും വെട്ടേറ്റ മൂത്ത കുട്ടി വയനാട് മെഡിക്കൽ കോളേജിൽ ചികിത്സയിലാണ്.