തിരുവല്ല : വൈഎംസിഎ സബ് റീജണിൻ്റെ വിദ്യാഭ്യാസ പ്രോത്‌സാഹന പദ്ധതിയായ വിദ്യാവെളിച്ചം തുകലശേരി യോഗക്ഷേമം ഗവ എൽ പി സ്‌കൂളിൽ തഹസിദാർ ജോബിൻ കെ ജോർജ് ഉദ്ഘാടനം ചെയ്തു. വിദ്യാഭ്യാസത്തിൻ്റെ ലക്ഷ്യം സ്വാർത്ഥത വർദ്ധിച്ച് വരുന്ന സമൂഹിക ക്രമത്തിൽ അപരനെ കരുതുന്നതാണെന്ന് അദ്ദേഹം പറഞ്ഞു.
സബ് – റീജൺ ചെയർമാൻ ജോജി പി. തോമസ് അധ്യക്ഷത വഹിച്ചു. നഗരസഭ കൗൺസിലർ മനോജ് കുമാർ, സ്‌കൂൾ പ്രഥമാധ്യാപിക ചന്ദ്രലേഖ ഇ.എൻ, വൈ.എം.സി.എ ദേശീയ നിർവ്വഹണ സമിതിയംഗം ജോ ഇലഞ്ഞിമൂട്ടിൽ, ജനറൽ കൺവീനർ സുനിൽ മറ്റത്ത്, മുൻ സബ് റീജൺ ചെയർമാൻ വർഗീസ് ടി. മങ്ങാട്, മത്തായി കെ. ഐപ്പ് എന്നിവർ പ്രസംഗിച്ചു.
എൽ.എസ്.എസ് സ്കോളർഷിപ്പ് വിജയി അതിരദ് ആർ. വാര്യരിനെ അനുമോദിച്ചു.
