രണ്ട് കോണ്‍ഗ്രസ് അംഗങ്ങൾ ഉൾപ്പെടെ 23 പേര്‍ കൂടി തമിഴ് നാട് മന്ത്രിസഭയിലേയ്‌ക്ക്

ചെന്നൈ : തമിഴ് നാട് മന്ത്രിസഭയിലേയ്‌ക്ക് രണ്ട് കോണ്‍ഗ്രസ് അംഗങ്ങൾ ഉൾപ്പെടെ 23 പേര്‍ കൂടി സത്യപ്രതിജ്ഞ ചെയ്ത് അധികാരമേറ്റു. 21 ടിവികെ എംഎല്‍എമാരും മന്ത്രിമാരായി സത്യപ്രതിജ്ഞ ചെയ്തു.കോണ്‍ഗ്രസ് നിയമസഭാ കക്ഷി നേതാവ് സി രാജേഷ് കുമാര്‍, പി വിശ്വനാഥന്‍ എന്നിവരാണ് മന്ത്രിമാരായത് . മന്ത്രിസഭയില്‍ ചേരുന്നത് സംബന്ധിച്ച് മുസ്ലിം ലീഗ്, വിടുതലൈ സിരുത്തൈകള്‍ കക്ഷികള്‍ എന്നിവരും ചര്‍ച്ചകള്‍ തുടരുകയാണ്.ഇന്നത്തെ സത്യപ്രതിജ്ഞ കൂടി കഴിഞ്ഞപ്പോള്‍ ആകെ മന്ത്രിമാരുടെ എണ്ണം 32 ആയി.