ആലപ്പുഴ : എന്റെ കേരളം പ്രദര്ശന വിപണന മേളയില് കയര് വകുപ്പിന്റെ വിവിധ സ്റ്റാളുകള് ഉണ്ട് .കയര്വകുപ്പിന് കീഴിലെ കയര് വികസന വകുപ്പ്, സ്റ്റേറ്റ് കയര് കോര്പ്പറേഷന്, കയര് ഫെഡ് തുടങ്ങിയവയുടെ സ്റ്റാളുകളിലാണ് സബ്സിഡികളും ഡിസ്കൗണ്ടും ഉള്ളത് .
ചവിട്ടികള് 50 ശതമാനം ഡിസ്കൗണ്ടിലും മെത്തകള് 40 ശതമാനം സബ്സിഡിയിലും ലഭിക്കും.വാണിജ്യ കര്ഷകര്, പരിസ്ഥിതി പ്രവര്ത്തകര് എന്നിവര്ക്കിടയില് മാത്രം പ്രചാരത്തിലുള്ള ചകിരി കൊണ്ട് നിര്മ്മിച്ച ചട്ടികളാണ് കയര് ഫെഡ് സ്റ്റാളിലെ പ്രധാന ആകര്ഷണം.പല വലുപ്പത്തിലും ഡിസൈനുകളിലും ഇവ ലഭ്യമാണ്. ഒപ്പം ചകിരി വളം, ഇനോക്കുലം തുടങ്ങിയവയും വില്പ്പനയ്ക്കുണ്ട്. കയര് വികസന വകുപ്പ് സ്റ്റാളില് കയര് സഹകരണ സംഘങ്ങള്ക്ക് രജിസ്ട്രേഷന് ചെയ്തു നല്കുന്നുമുണ്ട്.
