കൊല്ലം : കൊല്ലം സ്വദേശിനിയായ യുവതിയെ ഷാര്ജയില് മരിച്ച നിലയില് കണ്ടെത്തി .തേവലക്കര കോയിവിള സൗത്ത് മേലേഴത്ത് ജംക്ഷൻ അതുല്യ ഭവനിൽ എസ്.രാജശേഖരൻ പിള്ളയുടെയും തുളസിഭായിയുടെയും മകളായ അതുല്യ ശേഖർ(30) ആണ് മരിച്ചത് .മരണത്തിൽ ദുരൂഹതയുണ്ടെന്ന് മാതാപിതാക്കളുടെ പരാതിക്ക് പിന്നാലെ ശാസ്താംകോട്ട സ്വദേശിയായ ഭർത്താവ് സതീഷിനെതിരെ ചവറ തെക്കുംഭാഗം പൊലീസ് കൊലക്കുറ്റത്തിന് കേസെടുത്തു.
ശനിയാഴ്ച പുലര്ച്ചെയായിരുന്നു ഷാര്ജ റോള പാര്ക്കിനുസമീപത്തെ ഫ്ളാറ്റില് അതുല്യയെ മരിച്ച നിലയില് കണ്ടെത്തിയത്.43 പവൻ സ്വർണം സ്ത്രീധനം ആയി കൊടുത്തിരുന്നെന്നും ഇതു കുറഞ്ഞുപോയെന്ന് ആരോപിച്ച് അതുല്യയെ സതീഷ് മദ്യപിച്ചെത്തി ശാരീരികമായും മാനസികമായും നിരന്തരം പീഡിപ്പിച്ചിരുന്നുമെന്നാണ് ബന്ധുക്കളുടെ ആരോപണം .സഹോദരിക്ക് അതുല്യ അയച്ച മർദനത്തിന്റെ വിഡിയോ പൊലീസിനു കൈമാറിയിട്ടുണ്ട്.ഇവരുടെ ഏക മകള് ആരാധിക നാട്ടിൽ നിന്ന് പഠിക്കുകയാണ് .
