പരുമല: ഇല്ലായ്മകളില്‍ സംതൃപ്തിയുള്ളവരായി ജീവിക്കുമ്പോഴാണ് പുരോഗതിയുണ്ടാകുന്നത് എന്ന് പരിശുദ്ധ കാതോലിക്കാ ബാവ അഭിപ്രായപ്പെട്ടു. സ്ലീബാദാസ സമൂഹം 102-ാം വാര്‍ഷിക സമ്മേളനവും കുടുംബസംഗമവും പരുമലയില്‍ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
സംതൃപ്തമായ മനസ്സാണ് ഐശ്വര്യമുള്ളത്. പുരോഗതിയുണ്ടാകണമെങ്കില്‍ ഉള്ളത്‌ ദൈവം തന്നതാണെന്നും അതില്‍ സമൃദ്ധിയുള്ളവനായി ജീവിക്കുകയും ലഭിക്കാത്തതിനെക്കുറിച്ച് പരാതി പറയാതിരിക്കുകയും ചെയ്യണമെന്നും അദ്ദേഹം പറഞ്ഞു.
ചാണ്ടി ഉമ്മന്‍ എംഎല്‍എ മുഖ്യ സന്ദേശം നല്‍കി.ഫാ.പി.എ. ഫിലിപ്പ് ക്ലാസ്സ് നയിച്ചു. അസോസിയേഷന്‍ സെക്രട്ടറി അഡ്വ. ബിജു ഉമ്മന്‍, പരുമല സെമിനാരി മാനേജര്‍ ഫാ.എല്‍ദോസ് ഏലിയാസ്, ഫാ. തോമസ് മ്യാലില്‍,ഫാ. സോമു. കെ. ശമുവേല്‍, ഫാ.ബേസില്‍ ബാബു, വി.കെ വര്‍ഗീസ്, കെ. കെ.ജോര്‍ജ്, ഫാ.പി.കെ തോമസ്, കോശി മാത്യു എന്നിവര്‍ പ്രസംഗിച്ചു
