കൊച്ചി: കേസുകളുടെ നടത്തിപ്പിൽ സംസ്ഥാന സർക്കാർ ഉദാസീനത കാണിക്കുന്നതായി ഹൈക്കോടതിയുടെ വിമർശനം. കേസുകൾ നീട്ടിവയ്ക്കാൻ സർക്കാർ അഭിഭാഷകർ തുടർച്ചയായി ആവശ്യപ്പെടുന്നു. ഇതു മൂലം കേസുകളുടെ എണ്ണം കുമിഞ്ഞു കൂടുന്നുവെന്നും ഹൈക്കോടതി പറഞ്ഞു .ഹൈക്കോടതിയോട് സർക്കാർ അനാദരവ് കാണിക്കുന്നുവെന്നും ജസ്റ്റിസ് ദിനേശ് കുമാർ സിങ് വിമർശിച്ചു.
എറണാകുളം- മൂവാറ്റുപുഴ റോഡ് ദേശസാത്കരണം സംബന്ധിച്ച ഹർജി പരിഗണിക്കവെയാണ് കോടതിയുടെ വിമർശനം.2018-മുതൽ പരിഗണനയിലുള്ള കേസിന്റെ സത്യവാങ്മൂലം സമർപ്പിക്കാൻ സർക്കാരിനോട് കോടതി ആവശ്യപ്പെട്ടെങ്കിലും സർക്കാർ പലതവണ സമയംനീട്ടി ചോദിച്ചു. ബുധനാഴ്ച വീണ്ടും സർക്കാർ അഭിഭാഷകൻ സമയം ആവശ്യപ്പെട്ടു .ഇതോടെയാണ് സിംഗിൾ ബെഞ്ചിൽ നിന്നും രൂക്ഷ വിമർശനം ഉണ്ടായത്.
