എറണാകുളത്ത് പനി ബാധിച്ചു നാല് വയസുകാരൻ മരിച്ചു

കൊച്ചി : എറണാകുളത്ത് പനി ബാധിച്ച് ചികിത്സയിലായിരുന്ന നാല് വയസുകാരൻ മരിച്ചു. ആലങ്ങാട് ഒളനാട് ഇളവുംതുരുത്തിൽ വീട്ടിൽ ലിബുവിന്റെയും നയനയുടെയും മകൻ ലിയോൺ ലിബു ആണ് മരിച്ചത്. ഇന്നലെയാണ് പനി ബാധിതനായ ലിയോണിനെ സ്വകാര്യ ആശുപത്രിയിൽ പ്രവേശിപ്പിച്ചത്. 4 ദിവസമായി ലിയോണിന് പനി ഉണ്ടായിരുന്നു. പരിശോധനയിൽ എച്ച് വൺ എൻ വൺ ആണെന്ന് കണ്ടെത്തി. ചികിത്സയിലിരിക്കെ രാത്രി കുട്ടി മരിച്ചു. കഴിഞ്ഞ ദിവസം മലപ്പുറത്തും എച്ച് വൺ എൻ വൺ ബാധിച്ച് ഒരാൾ മരിച്ചിരുന്നു.