പത്തനംതിട്ട: യാത്രക്കിടെ സ്കൂൾ ബസിന്‍റെ ടയര്‍ ഊരി പോയി. മൈലപ്ര എസ് എച്ച് ഹയർ സെക്കൻഡറി സ്കൂളിലെ ബസിന്‍റെ ടയറാണ് ഊരിത്തെറിച്ചത്. ഉരുണ്ട് പോയ ടയര്‍ സമീപത്ത് പാർക്ക് ചെയ്ത കാറിലേക്ക് ഇടിച്ചു. കോന്നി ഈട്ടിമൂട്ടിൽപ്പടിയിലാണ് സംഭവം.
അപകടം ഉണ്ടാകുമ്പോൾ വാഹനത്തിൽ മൂന്ന് കുട്ടികൾ ഉണ്ടായിരുന്നു. ആര്‍ക്കും പരിക്കില്ല. സ്കൂൾ തുറന്നിട്ട് ദിവസങ്ങൾ മാത്രമാണ് ആയത്. മോട്ടോര്‍ വാഹന വകുപ്പ് എല്ലാ സ്കൂൾ വാഹനങ്ങളും പരിശോധിച്ചിരുന്നു എന്നിട്ടും അപകടം സംഭവിച്ചതായി പ്രദേശവാസികൾ പറഞ്ഞു.
