നിർത്തിയിട്ട സ്വകാര്യ ബസിന് പിന്നിൽ ഇരുചക്ര വാഹനം ഇടിച്ച്  യുവാവിന് ദാരുണാന്ത്യം

റാന്നി : നിർത്തിയിട്ട സ്വകാര്യ ബസിന് പിന്നിൽ ഇരുചക്ര വാഹനം ഇടിച്ച് കയറി യുവാവിന് ദാരുണാന്ത്യം. ഒപ്പം യാത്ര ചെയ്ത യുവാവിനെ പരുക്കുകളോടെ റാന്നിയിലെ സ്വകാര്യ ആശുപത്രിയിൽ പ്രവേശിപ്പിച്ചു. പുനലൂർ മൂവാറ്റുപുഴ സംസ്ഥാന പാതയിൽ മാമുക്ക് ജംക്ഷനിൽ ഇന്ന് രാവിലെ ആയിരുന്നു അപകടം.

അത്തിക്കയം ചെമ്പനോലി വെട്ടിക്കൽ അച്ചൻകുഞ്ഞിൻ്റെ മകൻ അലൻ (22) ആണ് മരിച്ചത്. യാത്രക്കാരെ കയറ്റുന്നതിന് ബസ് സ്റ്റോപ്പിൽ നിർത്തിയ ബസിന് പിന്നിലേക്ക് ഇരുചക്ര വാഹനം ഇടിച്ചു കയറുകയായിരുന്നു. സഹയാത്രികൻ മടന്തമൺ വെട്ടിക്കൽ  ആൽബിനെ (18) ഗുരുതര പരുക്കുകളോടെ റാന്നിയിലെ സ്വകാര്യ ആശുപത്രിയിൽ പ്രവേശിപ്പിച്ചു