ഷിരൂർ : ഗംഗാവലി പുഴയിൽ നിന്ന് അർജുന്റെ ലോറി കരക്കെത്തിച്ചു. ക്യാബിൻ പൊളിച്ച് പരിശോധിച്ചതിൽ അർജുൻ അവസാന സമയത്ത് ഉപയോഗിച്ചിരുന്ന വസ്തുക്കൾ കണ്ടെത്തി.അർജുന്റെ ബാഗ്, രണ്ട് ഫോണുകൾ, പാചകത്തിനുപയോഗിക്കുന്ന കുക്കർ ഉൾപ്പെടെയുള്ള പാത്രങ്ങൾ, വാച്ച്, ചെരിപ്പുകൾ,മകനുവാങ്ങിയ കളിപ്പാട്ടം എന്നിവയാണ് കണ്ടെടുത്തത്.
ലോറിയുടെ ക്യാബിനിൽ ബാക്കിയുള്ള മൃതദേഹാവശിഷ്ടങ്ങൾ ഉൾപ്പെടെ ശേഖരിക്കുന്നതിന് വേണ്ടിയാണ് ലോറി പൊളിച്ച് പരിശോധിച്ചത്.ചെളി നിറഞ്ഞ നിലയിലായിരുന്നു കാബിന്‍.ഒരു അസ്ഥി കഷ്ണവും പരിശോധനയില്‍ ലഭിച്ചിരുന്നു.വാഹനവുമായി ബന്ധപ്പെട്ട രേഖകൾ ഉൾപ്പെട്ട ഫയലും കണ്ടെത്തി.അര്‍ജുന്‍റെ മൃതദേഹം നാളെ കുടുംബത്തിന് വിട്ടുനല്‍കും.
