കണ്ണൂർ : ടിക്കറ്റെടുക്കാൻ ‘ഗൂഗിൾ പേ’ സൗകര്യം ഇല്ലാത്തതിനെ ചൊല്ലിയുണ്ടായ തർക്കത്തെ തുടർന്ന് യാത്രക്കാരൻ ബസ് കണ്ടക്ടറെ ആക്രമിച്ചു.പാനൂർ വൈദ്യർ പീടികയിൽ തട്ടിൽപ്പാറ ഹൗസിൽ രമീഷാണ് കണ്ടക്ടർ വി.വി.രാഘവനെ ആക്രമിച്ചത് . മർദ്ദനത്തിൽ മൂക്കിന് ഗുരുതരമായി പൊട്ടലേറ്റ കണ്ടക്ടർ രാഘവനെ തലശ്ശേരിയിലെ സ്വകാര്യ ആശുപത്രിയിൽ പ്രവേശിപ്പിച്ചു.
കൂത്തുപറമ്പ് – പാനൂർ റൂട്ടിൽ സർവീസ് നടത്തുന്ന സൺ സ്റ്റാർ ബസിലാണ് സംഭവം .കണ്ടക്ടറെ മർദ്ദിക്കുന്നത് തടയാനായി എത്തിയ ബസ് ഡ്രൈവറേയും മറ്റ് യാത്രക്കാരേയും യുവാവ് ആക്രമിച്ചു.പ്രതി ലഹരി ഉപയോഗിച്ചിരുന്നതായി സംശയമുണ്ടെന്ന് പോലീസ് അറിയിച്ചു.
