തിരുവനന്തപുരം : ആശുപത്രിപരിസരത്തു സംഘടനകൾ പൊതിച്ചോറ് നൽകുന്നതിനെതിരെ ആരോഗ്യമന്ത്രി കെ. മുരളീധരൻ. ഭൂമികൈയേറ്റക്കാരെ ഒഴിപ്പിച്ചതിനു ‘അന്നം മുടക്കി’ എന്ന് വിളിച്ചു പ്രതിഷേധിച്ചിട്ട് കാര്യമില്ല. ആശുപത്രികൾക്കുള്ളിൽ രാഷ്‌ട്രീയ കൊടികളും ബാനറുകളും വെച്ചുള്ള പ്രവർത്തനങ്ങൾ എന്തുവിലകൊടുത്തും തടയുമെന്നും കോളേജിന്റെ അകത്തു ബാനർ കെട്ടാൻ ഡി.വൈ.എഫ്.ഐക്കോ സേവാഭാരതിക്കോ അനുവാദമില്ലെന്നും മന്ത്രി പറഞ്ഞു.
നിലവിൽ പരീക്ഷണാടിസ്ഥാനത്തിൽ ഈ കമ്മ്യൂണിറ്റി കിച്ചൻ പദ്ധതി ആലപ്പുഴയിൽ മാത്രം കൊണ്ടുവരാനാണ് ഇപ്പോൾ സർക്കാർ തീരുമാനിച്ചിരിക്കുന്നത്.ആലപ്പുഴയിലെ ആശുപത്രിയിൽ നിലവിലുള്ള ഭക്ഷണ വിതരണ രീതിക്കെതിരെ ഹോസ്പിറ്റൽ ഡെവലപ്‌മെന്റ് സൊസൈറ്റി (HDS) അംഗങ്ങൾ ഔദ്യോഗികമായി പരാതി നൽകിയിരുന്നു.സംഘടനകളുടെ സ്വകാര്യ താല്പര്യങ്ങളാണ് പൊതിച്ചോറ് വിഷയവുമായി ബന്ധപ്പെട്ട് ഇത്ര വലിയ പ്രതിഷേധം ഉണ്ടാകാൻ കാരണമെന്നും കെ.മുരളീധരൻ പറഞ്ഞു.
