ശബരിമല: എടവ മാസ പൂജയ്ക്ക് ശബരിമല ക്ഷേത്രം നട നാളെ തുറക്കും. വൈകിട്ട് 5 ന് തന്ത്രി കണ്ഠര് രാജീവരുടെ സാന്നിധ്യത്തിൽ മേൽശാന്തി അരുൺ കുമാർ നമ്പൂതിരി നട തുറക്കും. പതിവ് പൂജകൾ വ്യാഴാഴ്ച രാവിലെ 5 ന് തുടങ്ങും.
ദിവസവും കളഭാഭിഷേകം, 25 കലശം അഭിഷേകം, പടിപൂജ, ഉദയാസ്തമയ പൂജ എന്നിവ ഉണ്ടാകും. 19-ന് സഹസ്രകലശാഭിഷേകം. അന്ന് രാത്രി 10 ന് നട അടയ്ക്കും. ദർശനത്തിന് വെർച്വൽ ക്യൂ ബുക്ക് ചെയ്യണം. അതിനുളള സൗകര്യം ഒരുക്കിയിട്ടുണ്ട്.
