അഫ്ഗാനിസ്ഥാനിൽ പാകിസ്താന്റെ വ്യോമാക്രമണത്തിൽ കുട്ടികളുൾപ്പെടെ 13 പേർ കൊല്ലപ്പെട്ടു

കാബൂൾ : അഫ്ഗാനിസ്ഥാൻ അതിർത്തിയിൽ പാക്കിസ്ഥാന്റെ വ്യോമാക്രമണത്തിൽ  11 കുട്ടികളടക്കം 13 പേർ കൊല്ലപ്പെട്ടു .14 പേർക്ക് പരിക്കേറ്റതായും അഫ്ഗാൻ അധികൃതർ അറിയിച്ചു .ഖോസ്ത്, കുനാർ, പക്തിക എന്ന പ്രവിശ്യകളിലാണ് പാകിസ്താന്റെ ആക്രമണുണ്ടായത് . ഒരിടവേളയ്ക്ക് ശേഷമാണ് പാകിസ്താൻ-അഫ്ഗാനിസ്താൻ തർക്കങ്ങൾ ആക്രമണ സംഭവങ്ങളിലേക്ക് നീങ്ങുന്നത്. ആക്രമണത്തെ പറ്റി പാക്കിസ്ഥാൻ ഇതുവരെയും പ്രതികരിച്ചിട്ടില്ല.