കോട്ടയം: എം.സി റോഡിൽ കാറും കെ.എസ്.ആർ.ടി.സി ബസും കൂട്ടിയിടിച്ചു. ആളപായമില്ല. അപകടത്തെ തുടർന്ന് ഗതാഗതം തടസപ്പെട്ടു. എംസി റോഡിൽ ഏറ്റുമാനൂർ പട്ടിത്താനം റൗണ്ടാനാ ബൈപ്പാസ് ജംഗ്ഷനിലാണ് രാവിലെ 8.30മണിയോടെ വാഹനങ്ങൾ കൂട്ടിയിടിച്ചത്.
എറണാകുളം ഭാഗത്ത് നിന്നും കോട്ടയം ഭാഗത്തേക്ക് വരികയായിരുന്ന കാറിൽ മൂവാറ്റുപുഴ ഭാഗത്തുനിന്നും പുനലൂരിലേക്ക് പോകുകയായിരുന്നു കെഎസ്ആർടിസി ബസ്സാണ് ഇടിച്ചു കയറിയത്. പട്ടിത്താനം റൗണ്ടാന ജംഗ്ഷനിൽ വാഹന നിയന്ത്രണത്തിന് ട്രാഫിക് സിഗ്നൽ സംവിധാനം ഇല്ലാത്തതാണ് അപകടത്തിനു കാരണമായതെന്ന് നാട്ടുകാർ ആരോപിച്ചു.
