കണ്ണൂർ : മുൻ മന്ത്രി വീണാ ജോർജിനെ കണ്ണൂർ റെയിൽവേ സ്റ്റേഷനിൽ കെ.എസ്.യു. പ്രവർത്തകർ ആക്രമിച്ചെന്ന കേസിൽ തന്‍റെ പേരിലുള്ളത് കൃത്രിമ മൊഴിയെന്ന് വനിതാ എസ് ഐ. മുൻ കണ്ണൂർ ടൗൺ എസ്.ഐ. ദീപ്തി ആണ് പ്രത്യേക അന്വേഷണ സംഘത്തിന് (എസ്.ഐ.ടി.) മുൻപാകെ ഇതുസംബന്ധിച്ച് വിവരങ്ങൾ നൽകിയത്.
ആദ്യ അന്വേഷണ സംഘം തന്‍റെ മൊഴിയെടുത്തിട്ടേയില്ലെന്നും അക്രമത്തിനിടെ മന്ത്രി തെറിച്ച് പോയെന്ന് അന്വേഷണ സംഘം തന്‍റെ പേരില്‍ കള്ള മൊഴി രേഖപ്പെടുത്തിയെന്നും ദീപ്തി എസ്ഐടിയെ അറിയിച്ചു. കണ്ണൂർ റെയിൽവേ സ്റ്റേഷനിൽ വീണ ജോർജ് എത്തിയപ്പോൾ അവരുടെ സംരക്ഷണ ചുമതലയുണ്ടായിരുന്ന ഉദ്യോഗസ്ഥയാണ് ദീപ്തി.
വീണയെ അക്രമിക്കാന്‍ ശ്രമിക്കുന്നത് കണ്ടില്ലെന്നും മന്ത്രിയുടെ നിര്‍ദേശ പ്രകാരമാണ് തെറ്റായ മൊഴി നല്‍കിയതെന്നും വീണയുടെ മുന്‍ ഗണ്‍മാനായിരുന്ന അഭിലാഷ് മൊഴി നൽകിയിരുന്നു .പത്തനംതിട്ട കൊടുമണ്ണിലെ വീട്ടിലെത്തി കഴിഞ്ഞദിവസം വീണാ ജോർജിന്റെ മൊഴിയും എസ്.ഐ.ടി. സംഘം രേഖപ്പെടുത്തിയിരുന്നു.
