നിരണം/തിരുവല്ല: ദേശീയ ഒളിംബിക്സിൽ മത്സരയിനമായ ഡ്രാഗൺ ബോട്ട് തുഴച്ചിൽ മത്സരത്തിൽ ഇനി പത്തനംതിട്ട ജില്ലയും പങ്കെടുക്കും. കേരളത്തിലാദ്യമായി വള്ള സമിതിക്ക് സ്വന്തമായി ഡ്രാഗൺ ബോട്ടുള്ള ഗ്രാമമായി നിരണം മാറും. യഥാർത്ഥ മാതൃകയിൽ ഉള്ള മത്സര യാനമായ ഡ്രാഗൺ ബോട്ട് നിരണത്ത് എത്തി.
നിരണം ചുണ്ടൻ വള്ള സമിതിക്ക് നിരണം നിവാസിയായ വ്യവസായി പഴങ്ങേരിൽ മണലേൽ എം ഒ വർഗീസാണ് നൽകിയിരിക്കുന്നത്. കാർഗിൽ എന്ന തന്റെ വ്യവസായ സ്ഥാപനത്തിന്റെ പേരിലാണ് രണ്ട് ബോട്ടുകൾക്കും പേർ നൽകിയിരിക്കുന്നത്. വരാനിരിക്കുന്ന ദേശീയഗെയിംസിൽ 20 യുവാകൾക്ക് പരിശീലനം നൽകി കേരളത്തെ പ്രതിനിധീകരിച്ച് മത്സരിപ്പിക്കുമെന്ന് റെജി അടിവാക്കൽ, റോബി തോമസ്, ജേക്കബ്, ജോബി ദാനിയേൽ എന്നിവർ അറിയിച്ചു.
