കോഴഞ്ചേരി : ബിജെപി നേതാവ് ഇലന്തൂർ ഹരിദാസ് കുമാറിൻ്റെ ഒന്നാം അനുസ്മരണ ദിനാചരണത്തിൻ്റെ ഭാഗമായി ഹരിവന്ദനം അനുസ്മരണ പരിപാടി സംഘടിപ്പിച്ചു. ഇലന്തൂർ പഞ്ചായത്ത് കമ്മ്യൂണിറ്റി ഹാളിൽ നടന്ന ചടങ്ങിൽ പ്രജ്ഞാവാഹക് ദേശിയ സംയോജക് ജെ .നന്ദകുമാർ അനുസ്മരണ പ്രഭാഷണം നടത്തി. നാല് പാടും നിന്ന് എതിർപ്പുകൾ മാത്രമുണ്ടായപ്പോഴും ധീരതയോടെയും ദൃഢ ചിത്തതയോടെയും സംഘപ്രവർത്തനം നടത്തിയ ആദ്യകാല സംഘപ്രവർത്തകനായിരുന്നു ഇലന്തൂർ ഹരിദാസ് എന്ന് അനുസ്മരണ പ്രഭാഷണത്തിൽ അദ്ദേഹം അഭിപ്രായപ്പെട്ടു.
ആർ എസ് എസ് പത്തനംതിട്ട ഘണ്ട് സംഘചാലക് റ്റി ജി ശിവശങ്കറിൻ്റെ അദ്ധ്യക്ഷതയിൽ നടന്ന ചടങ്ങിൽ മുൻ ജില്ലാ സംഘചാലക് സി എൻ ഓമനക്കുട്ടൻ, സേവാഭാരതി ഇലന്തൂർ പഞ്ചായത്ത് പ്രസിഡൻ്റ് എസ് രാജീവ്, ബി ജയകുമാർ, കെ എസ് രാജേഷ് തുടങ്ങിയവർ പ്രസംഗിച്ചു.
