തിരുവല്ല : പരിസ്ഥിതി സംരക്ഷണ സന്ദേശം ഉയർത്തി നെടുമ്പുറം ഗ്രാമപഞ്ചായത്തിന്റെയും ഹരിത മിഷൻ, എംജി എൻ ആർ ജി എസ്ന്റെയും കൃഷിഭവന്റെയും സംയുക്താഭിമുഖ്യത്തിൽ പരിസ്ഥിതി ദിനം ആചരിച്ചു . ‘ബീറ്റ് പ്ലാസ്റ്റിക് പൊലൂഷൻ ‘ എന്ന മുദ്രാവാക്യമുയർത്തിയാണ് ഈ വർഷം ലോക പരിസ്ഥിതി ദിനം ആചരിക്കുന്നത്.
ഈ ഭൂമി നാളത്തെ തലമുറയ്ക്ക് കൈമാറേണ്ടത് ഉണ്ട് എന്ന ബോധ്യം നമ്മളിൽ എല്ലാവർക്കും ഉണ്ടാവണമെന്ന് ഓർമിച്ചുകൊണ്ട് ഗവൺമെൻറ് എൽ പി എസ് സ്കൂൾ പൊടിയാടിയിൽ വച്ച് വൃക്ഷ തൈനട്ട് പരിസ്ഥിതി ദിനാചരണം ഗ്രാമപഞ്ചായത്ത് പ്രസിഡൻറ് റ്റി പ്രസന്നകുമാരി ടീച്ചർ ഉദ്ഘാടനം ചെയ്തു . ഗവൺമെൻറ് എൽ പി സ്കൂളിൽ പിറന്നാൾ ദിനത്തിൽ ഒരു തൈ എന്ന പേരിൽ ആരംഭിച്ച വൃക്ഷവത്കരണ ക്യാമ്പിനും തുടക്കം കുറിച്ചു . ഹരിത മിഷൻ നൽകിയ വൃക്ഷത്തൈകൾ തൊഴിലുറപ്പ് തൊഴിലാളികളാണ് നടുന്നത്.
പഞ്ചായത്ത് അംഗങ്ങളായ വൈശാഖ് പി ,ഷെയർലി ഫിലിപ്പ്,പ്രീതി മോൾ ജെ,തോമസ് ബേബി,ഗിരീഷ് കുമാർ,ജിജോ ചെറിയാൻ,ഗ്രേസി അലക്സാണ്ടർ, എൽപിഎസിലെ പ്രധാന അധ്യാപിക ഷെറി ജോൺസൺ ,കൃഷി ഓഫീസർ എന്നിവർ യോഗത്തിൽ പങ്കെടുത്തു
