കൊല്ലം: ശബരിമല സ്വര്ണക്കൊള്ള കേസില് ദേവസ്വം ബോര്ഡ് മുന് അംഗം കെ പി ശങ്കര്ദാസ് അറസ്റ്റില്. എസ്ഐടി സംഘം ആശുപത്രിയിലെത്തിയാണ് അറസ്റ്റ് രേഖപ്പെടുത്തിയത്. സ്വര്ണക്കൊള്ള കേസിലെ പന്ത്രണ്ടാം അറസ്റ്റാണിത്. ശങ്കര്ദാസ് ഗുരുതരമായ ആരോഗ്യപ്രശ്നത്തെത്തുടര്ന്ന് അത്യാസന്ന നിലയില് തിരുവനന്തപുരം കിംസ് ആശുപത്രിയില് ചികിത്സയിലാണ്.
സാങ്കേതികമായ നടപടിക്രമം മാത്രമാണ് ഈ അറസ്റ്റ്. പത്മകുമാര് അധ്യക്ഷനായ ദേവസ്വം ബോര്ഡിലെ അംഗമാണ് ശങ്കര്ദാസ്. ആശുപത്രിയില് നിന്ന് പോലും മാറ്റാന് കഴിയാത്ത അവസ്ഥയാണ്. ചോദ്യം ചെയ്യാനോ വിവരങ്ങള് ചോദിക്കാന് കഴിയാത്ത സാഹചര്യത്തിലുമാണ്. ആശുപത്രിയില് വിജിലന്സ് ജഡ്ജി എത്തി നേരിട്ട് മറ്റ് നടപടിക്രമങ്ങള് നടത്തും. അറസ്റ്റിന്റെ നടപടി ക്രമങ്ങള് കൊല്ലം വിജിലന്സ് കോടതിയെ അറിയിച്ചിട്ടുണ്ട്.
ശങ്കര്ദാസിനെ അറസ്റ്റ് ചെയ്യാത്തതില് ഹൈക്കോടതി രൂക്ഷ വിമര്ശനം ഉന്നയിച്ചിരുന്നു. ഇതേത്തുടര്ന്നാണ് എസ്ഐടി ഇപ്പോള് അറസ്റ്റ് രേഖപ്പെടുത്തിയത്.
