തിരുവനന്തപുരം :മാസപ്പടിയിൽ മുഖ്യമന്ത്രിക്കും മകള്‍ വീണ വിജയനുമെതിരെ അന്വേഷണം ആവശ്യപ്പെട്ട് തിരുവനന്തപുരം വിജിലൻസ് കോടതിയിൽ നൽകിയ ഹർജിയിൽ നിലപാട് മാറ്റി മാത്യു കുഴൽനാടൻ എംഎൽഎ. വിജിലൻസ് അന്വേഷണത്തിന് ഉത്തരവിടണമെന്ന് നേരത്തെ ആവശ്യപ്പെട്ട മാത്യു കുഴൽനാടൻ ഇന്ന് കോടതി നേരിട്ട് കേസെടുത്താല്‍ മതിയെന്ന നിലപാടാണ് സ്വീകരിച്ചത്. അതേസമയം, ഏതെങ്കിലും ഒരു ആവശ്യത്തിൽ ഉറച്ചുനിൽക്കാൻ കോടതി കുഴൽനാടനോട് ആവശ്യപ്പെട്ടു
മാത്യു കുഴൽനാടൻ്റെ നിലപാട് മാറ്റത്തിലൂടെ ഹർജി രാഷ്ട്രീയ പേരിതമാണെന്ന് വ്യക്തമാകുന്നതായി വിജിലൻസ് അഭിഭാഷകൻ കോടതിയില്‍ പറഞ്ഞു.വിധി പറയാനായി ഹർജി ഈ മാസം 12 ലേക്ക് മാറ്റി.
